يقــول الشاعر الكــبير // احـــمـــــد بـــن علي الكيبالي
من قصــائده المشــهوره ..
•
•
يـا ذا النسيـم الـرايـح .•°•. سلـم علــى المحـبـوب
سـلــم ســـلام فــايــح .•°•. فيـه العطــر مسـكـوب
قـل لـه تـرانـي رايــح .•°•. مـالــي عـلـيـه ادروب
حـالـت دونــه بـرايــح .•°•. فيـهـا الهـبـوب تـلـوب•
•
ومن وبداية هذي القصيده بقولكم الموضوع. . . .
•
°
•
تهب على دولتنا الحبيبه ( امارات زااااااااايد )الامارات انواع مختلفه من النسايم منها البارد ومنها الحار، ومنها اللي يتبعه السيل ومنها الجاف..
ومن انوااااااااااااع ( النسيم ) المهب :-


:: رياح المزر::
رياح قويه تهب وتيمع السحاب ، ممكن يصاحبها أمطار، وتدوم لفترات بسيطة.
•
°
•
:: الكوس::
رياح صيفية شمالية شرقيه تهب على الساحل الشرقي والغربي تصاحبها أمواج عالية أحيانا، ورطوبه على السواحل.
•
°
•
:: النعشي ::
رياح شتويه تهب من نغس اتجاه الكوس (شمالية شرقيه الى شرقيه)، وتكون مصحوبه بالامطار عادة.
•
°
•
:: المطلعي ::

رياح تلطف الاجواء وتكون معتدلة الحرارة والرطوبة، يتبع القوي منها أمطار على المرتفعات.
•
°
•
:: الفياضه ::
رياح شماليه غربيه تزيد موي البحر بشكل ملحوظ ومفاجئ، ويستدل عليها البحارة بخط رفيع من السحاب عشان ياخذون احتياطاتهم
•
°
•
:: اليولات ::

رياح متغيرة الاتجاه في فترة قصيرة، تكون مصحوبه
•
°
•
:: الرايحه ::
رياح شرقيه تهب اواخر فصل الصيف عالمناطق البريه (العين) وتتحرك جهة الساحل محمله بالرمال ويتبعها سقوط الامطار عالمرتفعات.
•
°
•
:: رياح الشمال والسهيلي ::
رياح شتويه بارده ويسبق رياح الشمال رياح السهيلي او السموم وعادة يتبعها رياح نشطه تدوم لاربعة ايام الى اسبوع وتتبعها مرة ثانية رياح الشمال وتدوم لفترة اسبوع.
•
°
•
:: رياح الثمانين ::
رياح شتويه قويه يرتفع الموج خلال هبوها الى اعلى حد، وغالبا تهب وقت الفجر، وعلامات هبوبها هدوء البحر مثل رياح لكيذب.
•
°
•
:: لكيذب ::
رياح شتويه قويه تتبع هدوء تام للريح ويصاحبها أمطار غزيره وغيوم مرعده
•
°
•
:: الغربي ::
رياح معتدله من جهة الغرب يبدا موسمها بعد نهاية الشتا مباشرة.
ويزيد على هالرياح نسيم البر ونسيم البحر وهي رياح يوميه تقريبا يتعاقبن بين الليل والنهار، فنسيم البر يهب وقت الليل والصبح أما نسيم البحر فيهب فنص النهار الثاني من جهة البحر.
•
°
•
... وان شاااء الله تكوونون عرفتوا اهم رياااح دولتنا..

:: الامــارات العربيه المتحده ::

يسلموو على هالمعلومات الطيبه ..
كنا ندرسهم فالسكوووول ..
بس زين ذكرتيني بهم ..ولا انا سرى الليل وحياتج

THANK''SS
MAA FA7MT SHAY

تسلميين بنتيه ع الموضووع الغاوي و شرات ما قالت بنت الشاعر كنا ندرسهن في الجغرافيا احييده خ خ خ خ خ خ ييهااا غبااار على الاسكول اياام قبل

و السمووحه

نرقب الزود منج بنتيه

يسلموو ع الموضوع الغاوي

يسلموو غلاايه ع الطرح المميز

ونرقب الزوود من صوووبج..

يسلمووو ع الطررح