أجي مِسْرع إلى ذاك المطار , ويرتبك نصفي ..
ونصفي الثاني يتسائل عَن اللِّي صار و.. أخطائي
تروح شلون عَنْ عيني .. وتبدِّل قوِّتي بـ ضعفي !!
ولا بـه شـي يستاهل عشانـه .. تبدي إيذائي ..
( مسافر ) دُونْ ما أدري وحِزني داخِلي مخفي
أبيـك الحيـن مـو باكـر تِحلِّقْ فوق أجوائي
مطار القلب يتحرى رجوعِـك , غيبتِـك تكفي
أبكتب لِكْ ولا أقــدر على .. التعبير وإملائي
غيابك مـا رحَم حالـي وحرفي آآآهـ يا حرفي
تلعثمت , وعجزت آخذ في وقت البُعد إجرائي
تدري وشْ حطّم غيابكْ
مرْكَبْ بداخلْ شعوري
منْ نسى قلبكْ .. حضوره
قلبي ما واجَهْ / شعوره
عندي ما بـه شي ضروري
فاقد إحساسْ الأماني
لا مراسي لا مواني
وصارتْ الدنيـا / قسى !!
وصار دوري..
أعشق أنواعْ الأَرَقْ ..
وألفظ أنفاسْ الغَرَقْ
وصوت معناه الخَطَر
وقلبْ ميّتْ / يحتضر
كل يوم قلبي يفكِّر , داخل الـ " حصَّه "
يا إستاذة الحُب وش تفسير أحلامي ؟
فيني من الحظ .. يا إستاذتي غصَّه
خِتَمْت كل " الدراسه " بمنهَج آلامي
ياليت بعضي معاي و عندي الفرصَه
أنساها , وأقدر أعيش فـ باقي أيَّامي
في فَتْنِي [ البنت ] هذي حيل مختصَّه
من أعلى راسي لأسفل واطي أقدامي
تدخل حياتي , بلا إستئذان أو رخصَه
حتَّى ولو هي سبايب / جرحي الدامي
يا إستاذه .. قولي لها الشَّعَر لا تْقِصَّه
طويل يبقى , وقولي لـ عينها : نااامي
القلب نصَّه غلا والـ " ها " في نصَّه
يعني [ غلاها ] على النصين مترامي
أنا خِنتِكْ .. وهالغلطه حبيبـي ما لَهَا تبرير
علاقة حُبْ مَجْنُونَه .. ما بينْ أحزاني وبيني
وكيف الحَالْ وشلوني .. جَوابٍ ما يَبي تفسير
بدونِكْ إنتْ , ما تِضْحَكْ حَياتي وترْمِشْ سنيني
مِثلْ شَاعِرْ عِجَزْ يوصَفْ شعُوره وخانه التعبير
أنا ضايع .. ولا أدري مِنْ فراقِكْ .. أنا ويني
مِثلْ طيرٍ كِسَرْ بُعْدِكْ جَناحَه وما قِدَرتْ آطير
أحَاولْ أبْتِسِمْ وأنْسَى ولكنْ وشْ ينسيني..؟!
فينـي سجنتك .. والسجن إنفرادي
وغيرك عجز ويَّاي يرضي غروري
يا مزعج أفكاري ترى البال هادي
طوَّلت لك بالي .. ورتَّبت أموري
إنتَ الوحيد اللي , خضع له عنادي
من كثر ما أحبك وفت لك سطوري
وينك ..؟ تعال الحين .. ملِّيت أنادي
إن ما سمعت الصوت إسمَع شعوري
كل الأصايد في عيونك .. [ تمادي ]
إهداء منِّي بـ صوت : مروان خوري
كنتي بنتٍ تسوى في عيني " رجال "
من كثر طيبك ومن وافر خصالك !
لين ما رحتي وتركتي لي سؤال :
من قدر يغريك في كذبه / وطالك ؟؟
في جنوبك كنت
والعالم شمال ..
[ إنِّي خيَّرتُكِ ]..
وإخترتي شمالك !
كان أسوء ظن و أسوء إحتمال
تحسبين حساب من جاك وعنالك !
إنهدم من غلطتك , قصر الرمال
وإنهدم كل الغلا فيني ...
كذلك !
المشاعر من غيابك يا دفا إحساسي , جليد !
طحت من عيني لـ قلبي وما قدرت إنِّي أشيلك !
يشهد الله .. من رحلت وفي حياتي ، لا جديد ..
وكل ما ألمَح سرابك ..
أرتِبِك ،
الله وكيلك !
حالتي صعبه / بدونك ..
وكيف حالك يا بعيد ؟
أشتكي منِّك إليك ..
ومن جروحي , أشتكيلك !
والله ما قصرَّت فيني بس ..
ودِّي لو تزيد !
يعني " إذبحني " وكمِّل يا بعد قلبي / جميلك !
ماني أوَّل من يحب ومنتَ آخر شخص خـان !
المحبه في زمانك ؟ بحرها من غيـر مينـه
الفشل .. كان النتيجه وأعتقـد آن الأوان ,
أبني - مستقبل حياتي . و - أنسى قصتنا الحزينه .
خطوتي الأولى ( غيابك ) راح أطبّقها عشـان :
" يبكي قلبك لا فقدني والندم .. يملـي سنينـه "
جاي تسأل عن مكانك !! هو { بقى فيني مكان ؟ }
الله يرحمها المشاعر . . . اللي كانت لك رهينـه
:: مـخـرج ::
الإهداءات
06-Oct-2008, 11:33 AM
[. ڪل ما ألمح سرابڪ " أرتبڪ " اللـہ وڪيلڪ . mms من قصائد الشاعر / أحمد الصانع
.gif)
