...(( ذكريات الصيف )).. مع شبيه الريح و والي الفوعة ..

الإهداءات
(ولد الامارات) : ™آۈڪْسًجُـيّـنْ™ : اللهم آغفر للمؤمنين و المؤمنات الاحياء منهم و الآموات ربِ أغفر لي و آرحمني و أنت خير الراحمين يسعدلي مساكم أخواني و آخواتي آندوكم ДĻ.мαήşôôôяǐ : اللهم أسألك بقدرتك التي قدرت بها على كل خلقك وبرحمتك التي وسعت كل شيئ لا إله إلا أنت انصر إخواننا في غزه ووحد صفهم واجمع شملهم واجعلهم كالبنيان المرصوص يشد بعضهم بعضا اللهم عجل لهم بالنصر .. ‏ற!Şš.Đăℓôô3ђ : آشـــتقتلكــمـ ح ـــيــل كلكــمـ ....منووه اشتاآآقلــي ...!! >> ع فكره آنــآآ الغاويهـ ..^^" ..~"> أميرة جلبا : {اهئ اهئ والله حرااااااام لييش تعااادل صفر×صفر ~~.. ŤǾŤдĦ : سيروا اطالعو المبارا‘ه الحين بتبدا الامارات و قطر مزيونة المناصير : يا مرحبا يا ناعم الصوت و العود .. يامرحباابك اخويه مستر المنصوري .. منور ف المنتدى مزيونة المناصير : http://www.smaal3in.com/vb/thread24715.html#post702827 .. .:>[ أإصلـآآ حـ ي ـأإتـي بـس مج ــرد وج ــودك "><:. القاضي الفاضي : مرحبا بالجميع والسموحه منكم تراني بغيب فتره عن المنتدى بسبب ظروف وان شاء الله لي عوده ربي يوفقكم* Đάrb Αlωєđ : صبحكم الله بالخير ,. ربي يوفق كل اللي عندهم امتحانات .. شدوا حيلكم نبا درجات حلوووه QặlB MηђặЯ : --> لآ تنَـَسونآ مَـَن دعوآتَـَكم ،، بآلتوفيَـَج عيَـَـآل آلمَـَدآرس . . ~ ậļmžàĵįà : // خـآلفتنـآ العـآفيه ..~ ậļmžàĵįà : // خـآلفتنـآ العـآفيه ..~ الأثـِمـِد : صبآح الخـير ,, أنـا جـداك اتــقـرب وانـتـه تـشـوح ابعـيـد اتـذايــر او تـتهــرب واتشـط بـي يا سـيـد ,, تمسون على خـيـر عابر سبيل : السلام عليكم .. مساء الخير ماادري صباح الخير مساكم فريز رمان من شيشة الفوعه ™آۈڪْسًجُـيّـنْ™ : من يوم حصل صورتي في الجريده..و هو يداعبني بسلك التلفون..صوره بليا صوت هزت وريده ..يالله عساه ما يشوفني في التلفزيون .. يسعدلي مساكم الــــروح : وين أفارق حبك الي لاتركته له وصلت وين أجمع نفسي الي لا نثرتك تجمعك وكيف أبطلع من غرامك وأنت في قلبي نزلت وكيف بأنزل دون قلب حالفن لايطلعك بنت الشاعر : العرب امتحانات واحنا باجر علينا رحله جدا دبي (القرية العالميه )تعاالو ..لاتقولون بعدين ماعزمتكم خخ مزيونة المناصير : يا فلان .. مـدام انـك عني بعيد لاصـوت لـك اسـمـع ولا اشـوفـك حـلـفـتـك بـربـي ان حـبـيـت لـك ثـاني لا تـنـسـانـي مـ غ ـرزة بكـ ع ـبها : باركوووولي خلص هالسمستر وبدت اجااازتي** إضافة إهداء

14-Oct-2008, 02:00 AM

رقم المشاركة : 1 (permalink)

نسيم الشرق

مراقب قسم {-- سمــ Ғ l i C k я ـــآنـآ ..~

مواضيعي

[ معلومات إضافية ]

النقاط :1768

المستوى:

الجنس :

الدولة :

الحالة :

مزاجى :

[ му мєѕѕαgє ]

تعلمت من أسرار الحياة أن الحياة أسرار

...(( ذكريات الصيف )).. مع شبيه الريح و والي الفوعة ..

السلام عليكم و رحمة الله و بركاته ....

طبعا في البداية أعرف انكم بخيير ...و لو كنتوا مب بخيير و شفتوا موضوعي بتصيرون بخيير <<< حشا مب موضوع مستشفى .. ههههههه

المهم المهم ما علينا ....

أنا اليوم يايبلكم كمن صورة للصيف ...

أنا أتخيل زوار الموقع يوم بيقرون الموضوع بيتحسبوني حاط ذكريات في الصيف يوم كنت في لندن ولا باريس و لا جزر المالديف ... هههههههههههه..... مب كأني خايس في البلاد في الصيف ...

المهم ما علينا ...

انا اليوم حاطلكم 14 صورة بس << لا تقولون نبا زيادة...

و بتلاحظون اني حاط اسمي في الصور و مكبرنهن زيادة عن اللازم <<<< لأني دشيت كذا منتدى من قبل الله يستر عليهن و حصلت الصور الي منزلنهن و منزلينهن ناس و منسبينهن لعمارهم بدوون ذكر اسمي و حليلي

يعني سرقة عيني عينك .. و انا و بوسنيدة كل يوم نحترق و نصور و نتعب عمارنا وآخر شي ينسرقن ...

شكلي صيحتكم ... حتى الي بيسرق الحين بيتعايز عن السرقة ..

المهم المهم ما علينا ...

و كل صورة لها قصة و موضوع و سالفة و ... و شو رايكم الحين نبدأ بالصور ....

يالله بسم الله ... بوسنيدة حطه في واحد و سير بنا صوب شرق .. و لازم عااد نقرا دعاء السفر و نخطف على الصناعية ليييييييش؟؟؟ محد يسألني ...

و في يوم من الأيام نزل علينا برد موووت و قال شبيه الريح: الا انزل و القط برد و نزل هو و أخوي الي ما فيهم مخ و عااد انا استغليت الموقف و صورت ...

ملاحظة: القط كلمة اماراتيه أصلها الجمع يعني تجميع الشي.

و هاي صور لشلال الصراحة كان خاطري اتسبح فيه الا تعايزت...

و هنيه عااد الشباب يالسين يراوغون السحاب و طبعا في المقدمة والي الفوعة و عقب عابر سبيل و عقب واحد من الشباب ... و آخر شي انا وحليلي يالس اصور غادي أجنبي

ملاحظة: غادي كلمة اماراتية معناها اصبح..

وهنيه أنا و بوسنيدة كنا سايرين صوب وادي شرم .. طبعا كان نظيف لأنه ياري قبله بيوم .. وحصلنا بو الشباب و يلسنا نسولف وياه و عطانا علومه و اخباره و آخر شي عزمنا على الغدا الا استسمحنا منه كنا مستعيلين ... و هاي الصورة التذكاريه له .. <<< ولا قصة الأميرة و الوحش.. خخخخخ

يا سلام على الوديان ...

و هنيه عااد كان كاظ علينا المغرب و الوادي كان قاطع و عااد قال بوسنيده الا نقطعة ما فينا نتريا لين نص الليل وكانت سيارة قبلنا و عااد دقم الحبيب و الحمد لله على سلامتنا .. والصراحة حسيت أن السياره كانت تهتز يوم دخلنا...

ملاحظتين: الأولى .. كاظ كلمة اماراتية معناها الوقت سينفذ..
الثانية ... دقم ... كلمة عامية معناها الفور ويل ...

و هالحبيب ما ادري وين يتحسب عمره بس الصراحة ظهرت صورة فنتك ...

و عاااد الحين هالصور بعد الأمطار بكمن أسبوع .... أيام ما كنا ندور عرايين ... عامات أول..

ملاحظة: عامات أول كلمة اماراتية معناها الزمن الماضي و يعتمد الزمن على الأسلوب فمرات يكون الزمن سنوات ومرات أيام و مرات دقائق ..

و هاي صورة العريون الي سالفته سالفه و أنا للحين ما فيني اقول السالفة الا اذا طاع بو سنيدة ....ولا حد يسالني شو السالفة ..؟؟؟

و هنيه صور تذكارية لوالي الفوعة ...؛؛ <<< و عاد صدق ظهرنا مخربين للبيئة ... بس ماعليه محد شاف ...

دعاية نسيان .....

لا تعليق .....

و ان شاء الله التقرير ينال على اعجابكم و استحسانكم و انا في الرحب و السعة على اي انتقادات أو أقتراحات أو أي مديح أو دهان سير ... <<< ...

و هالصورة للغروب و ان شاء ما نغط عنكم دووم .....

ملاحظة: نغط كلمة اماراتية معناها الإحتفاء و عدم الظهور ...

أونه غرووووب و الشمس ساطعة<< انتوا مشوا الامور و ما عليكم من هالخريط...

تحياتي .... أخوكم الصغيروني ....
نسيم الشرق ....
نسيموه ..
ناصر ...
ن ... الخ ...

التعديل الأخير تم بواسطة نسيم الشرق ; 14-Oct-2008 الساعة 02:12 AM.

14-Oct-2008, 02:22 AM

رقم المشاركة : 2 (permalink)

أتخآيلـڪ

.+[ سـمـا ذهبي]+.

مواضيعي

[ معلومات إضافية ]

النقاط :451

المستوى:

الجنس :

الدولة :

الحالة :

مزاجى :

[ му мєѕѕαgє ]

تدري وش آللّيـے مآ تغَيره آلآيّآمِ الّحظرِيّـہ آللي سڪنَت قَلبْ بدُويِ

و عليكم الســــــــلـام و رحمة الرحمن ..،

ابـــــــدااع ياخوويه و هالشي مب غريب عليك الصرااحه
الموضوع رووعه و الصور أروع و أروع ^ ^

تعرف شو أحلى شي فـ مواضيعك خلاف الصور ؟!!

[ يومـ تشرح معاني الكلمات ] .!!

أحس اني سيلانيه يالسه أتعلم الرمسه

هالصــــــــوره ..، [ لاتعليـــــــــــــــق ]
بصرااحـــــــه تحطيمـ و ماعليهاا زووود
صدق تشرح الخاطر و تشل الروح شل

تسلم أخوويه على هذا الطرح المبدع
كل طرح ينافس الثاني بجدااره والله
و نحن بانتظار كل يديد من صوبك بإذن الرحمن ..،

و انتبه على الصور الرحمن لاهانك
و على طريقة وضع الاسم عليها ..، لأنه حرام حد يسرق هالابداع
بكل سهوله و ينسبه لعمره ..،
في أوادمـ لعيبه و يحيدون شقا يقصون الاسم و يلعبون بالصوره
على جيفهم .

التوقيع

14-Oct-2008, 02:24 AM

رقم المشاركة : 3 (permalink)

الـ هواوي

مراقب قسم {-- عبق القصــيد ..~

مواضيعي

[ معلومات إضافية ]

النقاط :2279

المستوى:

الـ هواوي has a reputation beyond repute

الجنس :

الدولة :

الحالة :

مزاجى :

[ му мєѕѕαgє ]

خـبـروه إني على وصله حييــت وإن تفـارقـنـا تـرى مـوتــي دنــا لي حبيـبٍ يـوم روّح ما سلـيــت يعـلـم

0
0

مرحبا والله

حي الله خونا نسيم مايحتاي اسألك شو حالك لانك بخير
ولو كنت هب بخير بتقرا ردي وبتغدي بخير هههههـ

بتغدي كلمه اماراتيه معناتها ستصبح ..

المهم والاهم طال عمرك ماشي احلى عن السيرات ويا الشباب والله
كيف لو كان المكان اللي سايريله محضه ياحافظ على محضه سلامي عليها والله

وكيف لو كان عاد فيها مطر؟ صراحه شي خيالي ورهيب

بس كيف لو كان بتصويرك هنيه المغزى

تصويرك ماشالله عليك مافيك حيله ياخويه تصوير ممتاز ويعيش الواحد فجو الصور والله

عيبتني صورة الوادي يوم يقطع الشارع اللي فيها الجمس حبتين والله

وصوره الفتك اللي يتبع الوادي الصوره صدق روعه

الله يعطيك الف عافيه يالغالي ولا تحرمنا من البوماتك الغاويه ..^^

تحياتي لك ولشبيه ووالي الفوعه

وتقبل مروري :)

0
0

التوقيع

X5 فالديفيا من تصويري

14-Oct-2008, 08:14 AM

رقم المشاركة : 4 (permalink)

Đάrb Αlωєđ

مشرفة عامه

مواضيعي

[ معلومات إضافية ]

النقاط :1739

المستوى:

الجنس :

الدولة :

الحالة :

مزاجى :

[ му мєѕѕαgє ]

{.. أسمو بنفســي واخلاقي تكفيني ..

أخونا الصغيروني ....
نسيم الشرق ....
نسيموه ..
ناصر ...
ن ... الخ ... هع

والله مافيكم حيله .. وسلامي عليكم ..

صوووور خطيره والله كل صوره احلى عن الثانيه ..

وتعليقاتك على الصور تخلينا نعيش الجو ويااااكم ..

ياعيني على سيارة والي الفوعه .. خخخخخخخ .. شبيهووو بتبيعني الرقم .. خخخخ

ربي يحفظكم ويديم عليكم هالوناسه

التوقيع

14-Oct-2008, 09:40 AM

رقم المشاركة : 5 (permalink)

ậļmžàĵįà

مراقبة قسم {-- فضفضــــة ..~

مواضيعي

[ معلومات إضافية ]

النقاط :350

المستوى:

الجنس :

الدولة :

الحالة :

مزاجى :

[ му мєѕѕαgє ]

{ احـيا بكـرامه وطيب سيرهـ .. وإن فنيِت .. أرجو بنفس الطـيب أذكـر !

يـ سلاآآمـ .. شو هالصور الشيوخيه ..

هع فخـآآطري ارد بس المس تطالعنـ ي ~> شكلهـآ نـآويه نيه
وانـآ ما فيه عليهـآ بشرد ..]

بس لي عوده بإذن الله

التوقيع

14-Oct-2008, 10:04 AM

رقم المشاركة : 6 (permalink)

VIP العين

.+[ سـمـا جديد ]+.

مواضيعي

مواضيعي

هلا ممكن ترحيب

[ معلومات إضافية ]

النقاط :50

المستوى:
الجنس :

الدولة :

الحالة :

[ му мєѕѕαgє ]

الشامسي

موضوع ماعليه كلام