يا لبى قلبك ,,

مااا شاااالله عليج مسويه عصااابه خخخـ مااا فيج حيله

يسلموووو خيتووو على المرور الغاااوي

وربي لا هااانج

ولا تحرمينا من هطله

وبنتظااار الى بعدج

آخـتآر أخــوي " نسيم الشرق " .. !

لأ هنــتِ غ‘ــلأيه على المـوضوع ..^^." ،

بنتظاااار أخويه نسيم الشرق

يسلمووو خيتووو لبى قلبي ومااا عليج قصووور

حيالله بأعضائنا الحلوين ...

ماشاء الله أشوف هنيه علوم و فضائح أيام ماكنا يهال ..<<<< الله يا أيام اول ...اسميكم صيحتوني بهالموضوع ..


المهم نبدأ <<< يالله بسم الله ....




[ المحطه الاولى ]


اوصف طفولتك بجملة واحدة

ضرايب و مشاكل و كان لقبي العظاظ << مال النمر المقنع ...

بس كنت طيوب ...






.
.



[ المحطة الثانية ]


ما هو اجمل موقف او اجمل ذكرى تتذكرها من طفولتك ؟


أحيد مره أحنا و عيال خالتي كنا نشوف فيلم أجنبي المهم ما أذكر سالفة الفيلم بس أذكر انه كانوا يهال بانين بيت فوق شيره <<(( عشة على قولة الشواب)) ... المهم فخطر في بالنا انا نسوي بيت فوق الشيره مثلهم .. وكان ورا بيتنا شيره كبيره فسرنا يبنا خشب و صفيناه تحت و صارت كأنها قعدة فوق الشيره و سرنا الدكان واشترينا حلاوة << عااد حلاوة اول اول... كافي بو خاشوقه (( يعني كافي بو ملعة )) و بطاطا مرحبا المهم يلسنا ناكل و احنا مستانسين و كأنا بنينا بيت الأحلام و بالباكر يت امي و شلته ..<<...




.
.



[ المحطة الثالثة ]



ما هو أصعب أو أحزن موقف مر عليك في طفولتك ؟


والله في موقف انا الصراحة ما اتذكره لاني كنت صغير وايد بس يدتي تقولي اياه << أني مره رقيت السطح بدون محد يشوفني و طحت من فوق السطح لين تحت و كان تحت رمل و البيت بيت شعبي يعني مب مسافة بعيدة وايد بس الحمد لله اني عشت و تقولي امي كنت في غيبوبه كمن يوم ... بي الحمد لله ربكم كتب اني اعيش ..

.
.



[ المحطة الرابعة ]



ما هي أجمل هدية تلقيتها في طفولتك ولم تنساها لليوم ؟


الصراحة ما اتذكر هدايا و صلني يوم كنت صغير ....

بس أتذكر يدي و لا عمي يوم ايون صوبنا اييبون شفايا ...

ملاحظة: شفايا يعني الحلاوة بكل انواعها ....


.
.



[ المحطة الخامسة ]



هل هناك انسان معين كرهته في طفولتك .. ولماذا ؟


كنت ياهل و حليلي وين أكره حد .... بس كان الكل يحبني <<




.
.



[ المحطة السادسة ]



ما هي اصعب مرة انطقيت فيها ولا زالت محفورة في ذاكرتك وسبب الطق وش كان؟


أبا أعرف منو كاتب انطقيت <<< كتبوا انضرب .,, اسهل في النطق ..

المهم ....
يوم كنت صغير وايد انضربت << بس ولا وحده الحمد لله محفورة في الذاركة للحين ...



.
.



[ المحطة السابعة ]



هل كنت غيور بطفولتك من اخوانك وتحس فيه تمييز بينك وبينهم ؟


لا بالعكس كنا متساوين في كل شي و كان الوالد الله يطول بعمره يعاملنا بالمثل ....


.
.



[ المحطة الثآمنه ]



ما هي اكثر وافضل لعبة كنت تلعبها و أنت صغير ؟


أحلى لعبة كانت السيكل <<< .... وكنا نتحدى منو احلى سيكل ومنو أسرع و شو أحسن لون و كان كل واحد يسمي سيكله اسم ... هههههههه

و كنا نلعب كرورك و صيد سمك و عنبر <<< و وايد العاب ....


.
.



[ المحطة التاسعة ]




هل ستربي اولادك بنفس الطريقة التي تربيت بها في طفولتك؟

ان شاء الله ....

و أحسن بعد ..










و السموحة منكم .......

اخوكم....
نسيم الشرق

اسميكم صيحتوني بهالموضوع >>>حرااام خخخـ

أبا أعرف منو كاتب انطقيت <<< كتبوا انضرب .,, اسهل في النطق ..>>>>خخخخـ سوري بس لأني ماااخذه المووضوع من منتدى سعووودي خخخـ

نسيم الشرق ,,

الصراااحه اخويه سواااالفك وااايد حلوه

وخاااصة سااالفة البيت >>>زين ما مت من الضحك خخخخـ

يسلمووو على المرور وربي لا هااانك

ولا تحرمنا من تواااصلك

أوووووه سوري نسيت احط اسم عضو بعدي <<< لاتلوموني من الربشة ....


المهم ...




امممممم اختار ....


ولدكم .....





يالله يا ولدنا نبا نسمع العلوم و الفضايح ....



تحياتي ...
نسيم الشرق