[B]مـرحــبــا الــســاع ..
شحــالكـم اعضاااااء سما العين ..
حبيت احطلكم قصه من تاليفي ..
وانا اول مره اكتب قصه من تاليفي ..
وان شا الله تعيبكم ..
البــــــــــــــــ 1 ــــــــــارت
عايله بو سعيد
بوسعيد: ريال والنعم فيه .. ويحب عياله .. وخاصةً شما لانها دلوعه ابوها ..
ام سعيد : حرمه طيبه .. عصبية بس مب وايد يعني نادر ما تعصب .. وتحب عيالها ..
العيال :
سعيد : عمره 23 .. ويحب شي اسمه بر .. عشقه البداوه ..ويحب خوانه .. ويحب يلعوز خته شما ..
شما : عمرها 18 ثانويه عامه .. هالبنت حلووه عيونها لا كبار ولا صغار متوسطات ولونهن عسليات وشعرهاا اسود سواد الليل .. وهالبنت خريش ووايد مع بنت عمها فطامي .. فطامي ربيعتها الروح بالروح ع قولتها ( توأم روحي ) ..
ميثا : عمرها 16 اول ثانوي .. وهي تحب ختها شما وااااااايد .. وهالبنت بعد خريش .. ظاهره ع ختها .. وتكره شي اسمه سكوووول ..
حمد ومحمد ( توم ) : عمرهم 11 صف اول اعدادي .. هذيل 2 خوزو عنهم مسوين حفله فالبيت .. وحياتهم بلاي ستيشن وكووره .. ويحبون يضاربون فيا ختهم ميثا ..
الاربعاء
الساعه 5 العصر
بيت بو سعيد
ميثا : حمد ومحمد ان ما نشيتو عن التي في الحيين ببند عليكم البلاي ستيشن
حمد : اوووهوووو .. تراج صدعتي بروسنا .. يلا انجلعي عنا ..
ميثا : ماااااااااابااااااااااااا .. اباااااا اشوووووف المسلسل عقب شوي بيي ..
محمد ( وهو مندمج فاللعبة ) : مسلسلج يبدا الساعه 5 ونص والحين الساعه 5 وربع .. يووم بتي الساعه 5 ونص بنبند اللعبة ..
ميثا : اوكيه .. بترا لين الساعه 5 ونص .. وان ما بندتوها روحكم انا بيي وبمجع الوايرات ..
( وظهرت عنهم خاري )
ميثا : السلام عليكم ..
بوسعيد وام سعيد : وعليكم السلام والرحمه ..
بوسعيد : مرحبا والله بميثاني .. تعالي فديتج يلسي عدالي ..
ميثاني : مرحب باجي .. ان شا الله فديت روحك .. >> احم احم .. جدام ابوها مؤدبة ولا عند خوانها ام لسان .. هع ..
وسعيد : عيل وينهم خوانج ..
ميثاني : حمد ومحمد يلعبون بلاي ستيشن وشمامي راقده وسعيد عند راشد ولد عمي وانا ملانه ما عندي شي اسويه :(
بوسعيد : فديييييييت الملااانه .. قومي فديتج بنسير فياج العزبة ..
ميثاني : والله !! بتوديني العزبه !!
بو سعيد : هههههه .. هيه فديتج .. يلا نشي ..
ميثاني : ان شا الله .. ( والتفتت ع امها ) اميه بتسيرين ويانا ..
ام سعيد : هيه فديتج ..
( وسرحو بوسعيد وام سعيد وميثاني صووب العزبه )
عايله بو راشد
بو راشد : خو بو سعيد .. وهو اكبر عن اخووه بو سعيد .. وريال والنعم فيه .. ويحب عيااله ..
ام راشد : حرمه والنعم فيها .. مهتمه ف عيالها وبيتها ..
العيال :
راشد : عمره 24 اكبر عن سعيد بسنه .. وهم وايد مع بعض .. وعشقه البداوه .. شرات ولد عمه ..
شيخة : عمرها 22 .. تدرس فالجامعه .. آخر سنه لها ..
فطامي : عمرها 18 .. ثانويه عامه .. وخريش شرات شما .. وهي حلوه عيونها متوسطات وسووود .. وشعرهاا مايل للبني ..
ساره : عمرها 16 .. صف اول ثانوي مع بنت عمها ميثا .. بس هي ما تحب ميثا .. وما تحب تقعد وياها .. ووااايد خقاااقه ..
وآخر العنقوود ريم : عمرها 4 سنين .. كيجي 1 .. ووااايد تحب ختها فطامي ..
الاربعاء
الساعه 5 وربع العصر
بيت بو راشد
فطامي ( يالسه تجلب فالقنوات ) : افففففف يالملل .. وشميم الحمااره منخمده يبالها من يصفعهااا الدبه .. خلني اسير اشووف شويخ ..
حجره شيخه
تدش فطامي : هوود يااهل البااب المبوب ..
شويخ : بسم الله .. صدق انج دفشه .. انزين دقي البااب قبل ما ادشين .. زيغتيني غربلات عدوج ..
فطامي : ههههههه .. كنت ملانه قلت بيي بزيغج شووي .. هع ..
شويخ ( وهي مندمجه ف لابها ) : فطامي روحي عني .. لاني الحين بـــــــــــــــــــــــــــــــزي ( وطولتها بزي )
فطامي : انتي شوو تسوين .؟.
شويخ : اسوي البروجيكت مالي .. الحين ممكن تخليني لاني ابا اخلصه اليووم ..
فطامي : اوكيك ماي سستر .. سي يوو ..
شويخ : تي كير ..
( ظهرت فطامي من حجره شويخ ) : اففففف .. الحين وين اسير .. احسن شي اسير افتح النت واحووط فالمنتدى ..
خلونا نسير عند سعيد وراشد
سعيد : اقولك رشوود شوو رايك نشاور الاهل .. ونسير العزبه رباعه فالويكند ..
راشد : شورك وهدايه الله .. خلاص تم ..
سعيد : يلا انا برد البيت .. تامرني بشي ..
راشد : سلامتك ..
سعيد : فمان الله ..
راشد : فمان الكريم ..
بيت بو سعيد
سعيد ( توه داش البيت ويغني >> صدق متفيج ) :
بغيت أيام محسوبه حســــــايب ** ألوف ديار فيها القلب ذايــــــــب
لعل أشوف طيف ٍ من حبيبــــي ** وأناظر وجه عني صار غايــــب
وأضم وروود فيها لون خـــــده ** وأقبل دار سكنوها الحبايــــــــب
وأكــــحـــــل بالمراتع مقـلـتـلي ** وأبرد نفس صابتها لهايــــــــــب
يسافر في دروب الحب فــكري ** يعيد أيام ذكراها حصايــــــــــــب
يردد وين يا ديرة صبانــــــــــــا ** زمان الود وأيام ٍ أطايـــــــــــــب
تقول الدار لا تبكي بحســـــــره ** صروف الدهر فيها من الغرايب
تبدل من توده دون زلــــــــــــه ** رحل من غير ما يبـــــدي سبايب
تجلد بالصبر ع الهجر مــــــره ** ومره خل دمعاتك صبــــــــــــايب
عسى الأيام تجمع شمـل حبك ** عساه يعود لك من كان غايـــــب
عاااااااااشوووووووووو ..
حمد : اكرمنا بسكوتك ..
سعيد : جب جب .. آخر زمن يهاالووه ويسكتوون ..
محمد : اييييييه نحن مب يهااال ..
سعيد : وانته ليش راز بويهك ..
محمد : تراك الي تسكته توامي .. وانا ماارضى عليه ..
سعيد : اونك عاااد ما ترضى عليه .. انزين فكوني .. وين بويه وامية وشميم وميثوووه ..
حمد : بويه واميه وميثووه ساارو العزبة .. وشميم راقده ..
سعيد ( ابتسم بخبث ) : اقولكم شي .. لحقوني ..
حمد ومحمد ( مستغربين ) : اوكيه ..
سار سعيد وفتح حجره شميم وشغل الليت وبند المكيف وصااااااااارخ : شماااااااااااااااااااااااااااااااااااااااااااااااا ااااااااا ..
شما ( نشت زايغه ) : بسم الله الرحمن الرحيم .. سعيد الدب زيغتني الحين حد جيه يوعي الواااااااااحد ( وصااااااارخت ) يلاااااااا ظهروو برااااااا الحجره ..
سعيد وحمد ومحمد : هههههههههههههههههههههههههههههههههههههههههههههههههه ههههههههههههههههههه ..
سعيد : يلا يلا نشي بسج رقاااد ..
شما : ماااااااااااباااااااااا ..
ودزتهم براا ورقعت الباااب وسارت تكمل رقادهااا
سعيد : تبندين الباب فويهي هااه .. والله لا اراويج .. ( والتفت صووب حمد ) حمد قووم سير هااات ماااي بااارد من الثلاجة .
حمد ( وهو يضحك ) : اوكيه .
ويابله البااب وسار سعيد صووب الشبريه ..
وجب عليهااااااا الماااااااي .. وشرد صووب الباااب ..
شماااااا : آآآآآآآآآآآآآآآآآآآآآآآآآآآآآآآآآآآآآآآآآآآآآ .. سعوووووود الدب
سعيد وحمد ومحمد : هههههههههههههههههههههههههههههههههههههههههههههههههه هههههههههههههههههههههههههههههههههههههههههههههههههه هههه
سعيد : احسن عسب مره ثانيه ما تبندين الباااب فويهي ..
شما : حماااااار الحيين طاار الرقااد بسبتك دب يلا ظهر براا ..
سعيد : هههههههه .. اوكي ماي سستر ..
وردوو بوسعيد وام سعيد وميثاني من العزبه ..
وسعيد كلم اهله عن السيره .. ووافقوو ..
STo0o0o0o0o0o0oP
[/b]
شوو رايكمـ فالبــارت ؟؟!!
وشوو رايكمـ فالشخصيات ؟؟!!
انتظر ردوودكمـ حلووه ..
الإهداءات
07-Nov-2008, 03:44 PM
احبكـ يــا نـ [ ـظـ ] ـر ع ــيــنــي غ ــنــاتـــي
]
