السلام عليكم ورحمه الله وبركاته




اشحالكم ؟



انا يا يبتلكم موضوع بعنوان (دمعي على خدي يهل ) طبعا انا قبل ما احط هذا الموضوع تميت افكر فيه وافكر في رد الاعضاء وكن اقول (يا ربي يعيبهم ) ولا تمنيت انهم يردون عيه برد بسيط ويكتبون فيه (مشكوره او تسلمن ) انا ما ارديد جيج انا ابا رد ااوكيه



ااوكيه خلونا نبدا بالموضوع


الموضوع عباره عن موقف استوالي في المدرسه وانا كل ما اذكره تنزل دمعتي على خدي بلا شعور

الله يسلمكم ويسلم غالييكم الموقف هو

(اني كنت امشي في الساحه وكانت بنت يالسه تمشي عدالي فجاءه تقولي السلام عليكم انا رديت عليها وعليكم السلام وبعدها هي كملت مشيتها وراحت وانا تميت امشي ويا ربيعاتي ووحده من ربيعاتي تقولي هاي البنت اللي سلمت عليج تراها مريضه وانا على نياتي قلتلها شويعني لا هي اول بنت تمرض ولا هي اخر بنت تمرض وانا ابا اكمل رمستيه ما احس غير ربعتي الثانيه تحط ايدها وتسكر حلجي انا خوزت ايدها وجفت اربيعتي يالسه تدمع عينها قلتلها انا شوه قلت علشان اتصيحين ردت عليه وقالت هااي البنت فيها السرطان واذا كان واحد من اهلج لا سمح الله بتعرفين كيف انه الدنيا مسوده في ويهج . وطبعا انا مثل الصعقه اللي يتني وخلتني ما اعرف شوه اقول غير الله يشفيها . والحين انا كل ما اخطف عدال البنت اطيح دموعي بسرعه )


(حبايبي ادعوا لها الله يشفيها ويشفي مرضى المسلمين )



يالله انا ابا من الكل يكتب موقف استواله وخلاه يصيح انا اترياكم ااوكيه

.. ~

والله دلوعه مااعرف شو اقولــ


هذا امر الله ما نقدر نسوي شئ الله ما ينسي عبدهـ ويعله خير لها محد يعرف غير ربي


الله يشفيها ويخليها لاهلهااا ولا يحرمها من شئ ابد .. ~

لازم الانسان يقتنع بما كنت الله لهـ الحمدلله ع كل شئ الحمدلله .. ~

الله يرحمهاااا ويشفيهااا ويدخلهاااا الجنهـ وكل المسلمين يا رب .. ~

~

هلا والله ..~

ياحي ذا الوجه والله ..........]


هلا دلوعتيه ـ ..~

موقف يصيح الصراحهـ ..~)*

واافديتج ...دمعتج غاليه لاتهلينها ..حاولى لجلى ..~>

ربي يشفيها ويشفي كل الى يعانون من هالمرض ..~

اممم موقف محزن ..]

هيه ..~

صف ثامن [ ثاني اعدادي ] ..كنت واايد ويا ربيعتي نوارى فديتها والله ..)*

بس هيه كانت تحب وحده صف سابع [ ثاني اعدادي ] عاد أختكم الغاويهـ كانت تغاار ..~

وكنا دووم انا ونوارى نضارب وجيه بس انتم 5 دقايق ونرد ولاجنا صار شي ^^" ..~ْ}

صح انى ماكنت اكـــــــره حبيبتها بس كنت اغاار طشوونه، ....>~

انزين ومرن الايام ونحن ع نفس الحال ..~

وكل يووم كنت اتعلق في نوارى اكثر وهيه تتعلق في حبيبتها اكثر واكــــــثر .........]

وبعدين وصلنا ع آخر السنهـ ..~

طبعا انا [ الغاويهـ ] كنت بنتقل من عيمان الى دبــــــــي ..]

يعني انا ونوارى بنفترق ..~

ويووم وصلنا آخر يووم ..)*

شو سوينا فلم هندي واللهي خخخخخخ ..}

وبنات كلاسنا الى تلوي عليه والى تبوسني والى يايبه لى وردهـ ..~

وآآآه كل مااذكر هاليووم قلبي يعورني ودمعتي ع الخد تسيل .. .. ..]

فديــــــــــــــــت عيمان انا وفديت اهلها والله ..~>

ولين الحين انا اتلاقي ويا ربيعتيه نوارى ..~

وارمسها في الفووون بس كل ماارمسها نيلس نذكر شو كنا نسوي ونصيح واللهـ حالــــــــــه ..]

اشتقتلها وربـــــــــي ..~

ادعوا ان ارد شرات قبل وانى اجوفها لان صار لى مده ماعرف عنها وماترد ع الفوون >< ..~)*

كل مااذكرها اصيح وربي ..~

وبس ....]


[هموووسهـ ...>>
ترى انا كنت احب نوارى كربيعه واخت وكل شي كانت كل شي في حياتي >> عن تتحرونها حبيبتي لا انا ماعندي هالسوالف ..^^" ..~

الله يعينها ويشفيها

بس خيتو يوم تمرين حذالها ولا تدمعين

عسب لاتحس البنيهـ وتزعل او اتحس انه عندها نقص او مرض

عامليها عادي عسب تحس عمرها حالها حالنا

ما فيها شي

تسلمين خيتو ع الموضوع

وننتظر منج الزود

يسلمووووووووووووووووو